ԱՄՆ-ում խոսել են Ռուսաստանի` Սիրիայում ունեցած հաջողությունների մասին

28-12-2015 18:14:43 | ԱՄՆ | Քաղաքական

Ամերիկացի մի շարք բարձրաստիճան պաշտոնյաներ և վերլուծաբաններ համակարծիք են, որ Մոսկվան բավականին հաջող է իրականացրել ռազմական գործողությունները Սիրիայում` նպաստելով տարածաշրջանում Ռուսաստանի նպատակների իրականացմանը:

Ինչպես տեղեկացնում է korrespondent.net-ը, ըստ ամերիկացի պաշտոնյաների` սիրիական հակամարտությունում Ռուսաստանի ռազմական միջամտության գլխավոր նպատակը հանդիսանում է գործող նախագահ Բաշար Ասադի ռեժիմի ամրապնդումը, ում զորքերը զինված պայքար են ծավալում ապստամբների և զինյալների դեմ:

Ըստ Սպիտակ տան անանուն պաշտոնյայի, Մոսկվայի ռազմական աջակցությունը թույլ է տվել Բ. Ասադի ռեժիմին «ավելի ապահով» դառնալ:

Իրենց հերթին, ամերիկացի վերլուծաբանները ռազմական գործողությունների նպատակով Մոսկվայի իրականացրած ծախսերը գնահատել են տարեկան 1-2 միլիարդ դոլար:

Նոյյան տապան - Քաղաքական

Կարդացել են 1058 անգամ

https://s1.merlive.am/Noian_Tapan/embed.html?autoplay=false&play

ԱՄՆ-ում խոսել են Ռուսաստանի` Սիրիայում ունեցած հաջողությունների մասին

Noyan Tapan TV