Ընթանում են թեժ մարտեր. ՊԲ ստորաբաժանումները Թալիշի ուղղությամբ տիրել են կարևոր նշանակության հենակետի
03-04-2016 12:16:59 | Արցախ (ԼՂՀ) | Քաղաքական
Ղարաբաղա-ադրբեջանական հակամարտ զորքերի շփման գծի հարավարևելյան և հյուսիսարևելյան ուղղությամբ ընթանում են թեժ մարտեր: Լուսադեմին հակառակորդի կողմից ձեռնարկված լայնածավալ հրետակոծությանն ի պատասխան, ՊԲ ստորաբաժանումները անցել են հակազդիչ գործողությունների և Թալիշի ուղղությամբ տիրել նախօրյակին ադրբեջանական ուժերի կողմից գրավված մարտավարական կարևոր նշանակության հենակետին: Թշնամին զգալի կորուստներ կրելով հետ է շպրտվել: Մարտական գործողությունների ժամանակ ղարաբաղյան կողմից վիրավորվել է երկու զինծառայող:
Ղարաբաղյան ուժերի գործողությունները հաջող են ընթանում նաև մարտագծի հարավային հատվածում: Այս ուղղությամբ դիմագրավելով հակառակորդի հրթիռահրետանային ու զրահատանկային հարձակումներին, հարավային թևում գործող ՊԲ ստորաբաժանումները շարքից հանել են թշնամական 2 տանկ և 1 հետևակի մարտական մեքենա (ՀՄՄ):
ԼՂՀ ՊՆ մամուլի ծառայությունից հայտնում են՝ ՂՀ ՊՆ մամուլի ծառայությունԴեպքերի զարգացման ընթացքին կանդրադառնանք առաջիկա հաղորդագրություններում:
ՀԱՅԵՐԵՆ
Русский
English
Դաս. հայերեն
French
