Թուրքիայի և Սիրիայի զինված ուժերը գնդակոծել են միմյանց տարածքները
13-04-2016 14:49:42 | Թուրքիա | Միջազգային
Սիրիայի կողմից կրկին ռմբակոծվել է Թուրքիայի սահմանային տարածքը, այս անգամ հրթիռակոծվել է Կիլիս քաղաքը: Ինչպես տեղեկացնում է korrespondent.net -ը, այս մասին հայտարարել է քաղաքի քաղաքապետ Հասան Կարը: Նրա փոխանցմամբ, հրթիռակոծության հետևանքով Թուրքիայում զոհեր չեն գրանցվել:
Նշվում է, որ թուրքական կողմը հաուբիցներից պատասխան կրակ է բացել Սիրիայի տարածքի վրա:
Տեղեկացնենք, որ թուրքական Քիլիս քաղաքում փոխհրաձգությունները սկսվել էին դեռ երկուշաբթի օրը: Ի պատասխան սիրիայի կողմից տեղի ունեցող կրակոցների, Թուրքիան ռմբակոծել էր Սիրիայի հյուսիսում գտնվող <<Իսլամական պետություն>> ահաբեկչական խմբավորման դիրքերին:
Նշենք, որ Սիրիայում զինադադարի հաստատումից հետո, Ռ. Էրդողանը հայտարարել է, որ դա չի տարածվում Թուրքիայի վրա և որ Անկարան իրավունք ունի արտերկրում պայքարել ահաբեկիչների դեմ: