Եվրահանձնաժողովը հաստատել է փախստականներին 100 մլն եվրո հումանիտար օգնության տրամադրումը
13-04-2016 19:32:09 | | Հասարակություն
Եվրախորհրդարանի պատգամավորները 2016 թվականի բյուջեի հաստատման քվերակության առաջին փուլում կողմ են քվեարկել ԵՄ-ի տարծքում գտնվող փախստականներին 100 մլն եվրոյի չափով արտակարգ օգնություն ցուցաբերելուն: Interfax.ru-ի փոխանցմամբ, բացի այդ խորհրադարանում կողմ են քվեարկել նաև նոր Ահաբեկչության դեմ պայքարի Եվրոպական կենտրոնի աշխատակիցներին լրացուցիչ 2 մլն եվրոյի տրամադրմանը:
Միգրացիոն ճգնաժամը լուծելու համար Եվրահանձնաժողովի կողմից մարտի 2-ի որոշմամբ տրամադրվող 700 մլն եվրոյի չափով արտակարգ օգնության առաջին մասը` 100 մլն եվրոն կտրամադրվի ընթացիկ միգրացիոն հոսքին` որպես հումանիտար օգնություն:
Այդ միջոցները հնարավոր կլինի օգտագործել մթերքի և ջրի, սանիտարահիգիենիկ պարագանների ձեռք բերման, անհետաձգելի բժշկական օգնություն ցուցաբերելու և բնակարանային, անվտանգության ու կրթության տրամադրման համար:
Նշենք, որ Ահաբեկչության դեմ պայքարի Եվրոպական կենտրոնը ստեղծվել է հունվարի 1-ին, որը համարվում է ԵՄ ահաբեկչության դեմ պայքարի գլխավոր հաստատություն: