ԻՊ գրոհայինները քիմիական զենք են կիրառել քուրդ աշխարհազորայինների դեմ
09-05-2016 17:31:42 | Իրաք | Միջազգային
«Իսլամական պետություն» ահաբեկչական խմբավորման զինյալները Իրաքի հյուսիսում գտնվող գյուղերից մեկի վրա կատարած հարձակման ընթացքում քուրդ աշխարհազորայինների դեմ կիրառել են քիմիական զենք: Interfax.ru-ի փոխանցմամբ` այդ մասին հայտնում են քրդական աղբյուրները` հղում կատարելով իրանական Press TV հեռուստաալիքին:
Նրանց տվյալներով` իսլամիստ արմատականները Բաշիր գյուղի ուղղությամբ արձակել են քլորով լիցքավորվցած արկեր: Որոշ քուրդ զինյալներ հոսպիտալացվել են շնչառական ուղիների վնասման ախտանիշներով:
Ավելի վաղ, ԻՊ ահաբեկիչների կողմից գազով լիցքավորված արկերի կիրառման մասին էին տեղեկացրել աշխարհազորայինների ստորաբաժանումների հրամանատարները, ովքեր տեղակայվել էին Քիրքուկի հարավում: