ՒՊ-ը ստանձնել է Օռլանդոյում կատարված ահաբեկչության պատասխանատվությունը
13-06-2016 16:43:43 | ԱՄՆ | Հասարակություն
«Իսլամական պետություն» ահաբեկչական խմբավորումը ստանձնել է ամերիկյան Օռլանդո քաղաքի գիշերային ակումբում նախօրեին կատարված ահաբեկչության պատասխանատվությունը:
Interfax.ru-ի փոխանցմամբ` ԻՊ-ի ուղերձում նշված է, որ Աստվածը թույլ է տվել Օմար Մատինին` Ամերիկայում Խալիֆաթի զինվորներից մեկին, Օռլանդոյում սպանել և վիրավորել է 100-ից ավելի մարդու:
Նշենք, որ հունիսի 12-ի գիշերը ծագումով աֆղան և ԱՄՆ-ի քաղաքացի Օմար Մատինն Օռլանդոյի գիշերային ակումբում սպանել էր 50 մարդու և ևս 50-ին վիրավորել: Հանցագործը ոչնչացվել էր ոստիկանության գործողությունների ընթացքում:
Հանցագործության իրականցումից ոչ շատ ուշ նա զանգահարել էր ոստիկանություն և հայտարարել, որ կապ ունի ԻՊ խմբավորման հետ: