Ավստրալիայի արևմուտքում բախումներ են տեղի ունեցել ոստիկանության և բնիկների միջև
30-08-2016 12:20:30 | Ավստրալիա | Հասարակություն
Կալգուրլի քաղաքում 55-ամյա Մարկ Ուիլյամ Դոնելիի նկատմամբ ընթացող դատական գործընթացն ընդհատվել է բնիկների զանգվածային բողոքի ցույցերի պատճառով: tass.ru-ի փոխանցմամբ` այդ մասին հաղորդել է ABC հեռուստաալիքը:
Աղբյուրի տեղեկացմամբ` Մ. Դոնելին մեղադրվում է 14-ամյա անչափահասի ոչ կանխամտածված սպանության մեջ: Բնիկները կարծում են, որ հանցագործությունը կատարվել է ռասայական հողի վրա:
Զայրացած բնիկները հարձակվել են դատարանի շենքի վրա` փորձելով բռնել նրանց, սակայն ոստիկանությունն արցունքաբեր գազ է օգտագործել: Բախումների ընթացքում մի քանի ցուցարարներ և առնվազն մեկ ոստիկան ստացել են մարմնական վնասվածքներ:
Արևմտյան Ավստրալիայի ոստիկանության ներկայացուցիչը հաղորդել է, որ դատական գործընթացը տեղափոխվելու է Պերտ և վերսկսվելու է չորեքշաբթի:
ՀԱՅԵՐԵՆ
Русский
English
Դաս. հայերեն
French
