Իմպիչմենտի համար ընդդիմությանը անհրաժեշտ 1 ձայնն ու վարչապետի հավանական երկքաղաքացի թեկնածուն
11-05-2024 11:41:27 | Հայաստան | Ի՞նչ է գրում մամուլը
1lurer. «Քաղաքացիական պայմանագիր»-ը միասնական աջակցում է վարչապետին. կառավարող խմբակցության ղեկավարի արձագանքն է «Տավուշը հանուն հայրենիքի» շարժման առաջնորդի երեկվա հայտարարությանը: Հանրապետության հրապարակում խոսելով իմպիչմենտի գործընթաց սկսելու մասին՝ Բագրատ Արքեպիսկոպոս Գալստանյանը ակնարկել էր ՔՊ-ականների հետ բանակցելու պատրաստակամության մասին:
Ակնհայտ է, որ ընդդիմադիր երկու խմբակցության ձայները բավարար չեն նման գործընթաց սկսելու համար: Մինչև այս պահը, դեռ պարզ չէ նաև, թե ով է ընդդիմության վարչապետի թեկնածուն: Սահմանադրությամբ Բագրատ Սրբազանը նման հնարավորություն չունի: Հայաստանից բացի՝ նա նաև Կանադայի քաղաքացի է: