Եվրամիությունը G20-ի ընթացքում հայտարարելու է Մեծ Բրիտանիայի հետ նոր գործընկերություն ստեղծելու մասին
30-08-2016 14:09:10 | | Միջազգային
Եվրամիությունը չինական Խանչժոու քաղաքում կայանալիք G20 գագաթնաժողովի ընթացքում հայտարարելու է Մեծ Բրիտանիայի հետ նոր գործընկերություն ստեղծելու մասին:
tass.ru-ի փոխանցմամբ` այդ մասին Բրյուսելում հաղորդել է եվրոպական դիվանագիտական աղբյուրը:
Վերջինիս խոսքերով` Brexit-ը մի թեմա է, որը պետք է նախևառաջ քննարկվի Եվրամիության և Մեծ Բրիտանիայի մակարդակով:
Աղբյուրը տեղեկացրել է, որ G20 գագաթնաժողովի ընթացքում իրենք կարող են միայն իրենց գործընկերներին հավատացնել, որ կանեն ամեն հնարավորը, որպեսզի ստեղծեն Մեծ Բրիտանիայի հետ գործընկերության նոր շրջանակներ: