Թուրքիայի անդամակցությունը ԵՄ-ին քիչ հավանական է, քանի դեռ նախագահը Էրդողանն է. եվրահանձնակատար
30-08-2016 14:24:27 | | Միջազգային
Թուրքիայի մուտքը Եվրամիության կազմ քիչ հավանական է, քանի դեռ այդ երկրի նախագահը Ռեջեփ Թաիբ Էրդողանն է: tass.ru-ի փոխանցմամբ` նման կարծիք է հայտնել թվային տնտեսության և հասարակության գծով եվրահանձնակատար Գյունտեր Էթինգերը:
Վերջինիս խոսքերով` հավանական է, որ վերոնշյալ հարցն ավելի ակտուալ դառնա Էրդողանի նախագահությունից հետո. <<Ելնելով գործերի ներկայիս դրությունից` Թուրքիայի անդամակցությունը ԵՄ-ին անհնար է լինելու նվազագույնը մինչև հաջորդ տարի>>:
Ավելի վաղ, Էթինգերը նաև կարծիք էր հայտնել, որ Թուրքիայի քաղաքացիների համար վիզային ռեժիմի չեղարկման որոշումն այս տարի չի կայացվի:
Նա ընդգծել է, որ մահապատիժն անհամատեղելի է իրենց արժեքների և պայմանագրերի հետ. <<Ոչ մի երկիր չի կարող ԵՄ անդամ դառնալ, եթե ներդրում է մահապատիժը որպես պատժի բարձրագույն ձև>>:
ՀԱՅԵՐԵՆ
Русский
English
Դաս. հայերեն
French
