Քլինթոնը հայտարարել է, որ ԱՄՆ-ի նախագահ ընտրվելու դեպքում ակտիվացնելու է արտաքին քաղաքականությունը
01-09-2016 13:41:22 | ԱՄՆ | Միջազգային
Դեմոկրատական կուսակցությունից ԱՄՆ-ի նախագահի թեկնածու Հիլարի Քլինթոնը մտադիր է հաղթանակի դեպքում ակտիվ արտաքին քաղաքականություն վարել: tass.ru-ի փոխանցմամբ` այս մասին նա հայտարարել է Օհայո նահանգում կայացած նախընտրական քարոզարշավի ընթացքում:
Նա կարծիք է հայտնել, որ ԱՄՆ-ն հանդիսանում է բացառիկ մի երկիր, որն անփոխարինելի է:
«Ամերիկյան առաջնորդությունը նշանակում է մեր համախոհների աջակցություն, քանի որ գոյություն ունի դաշնակիցների ցանց և այն հանդիսանում է մի մասնիկը նրա, ինչը մեզ դարձնում է բացառիկ»,- ասել է նա` հավելելով, որ աշխարհում ոչ մի ուրիշ պետություն չունի այնպիսի դաշինքներ, ինչպիսիք իրենցն է:
Այդ կապակցությամբ նա նաև քննադատության է ենթարկել իր մրցակից Դոնալդ Թրամփին Հանրապետական կուսակցությունից:
ՀԱՅԵՐԵՆ
Русский
English
Դաս. հայերեն
French
