ԱՐՄԵՆԱԼ գործարանը յուրացրել է կոնտեյներային փայլաթիթեղի արտադրությունը
03-10-2016 11:43:43 | Հայաստան | Տնտեսություն
ՌՈՒՍԱԼ ընկերության Երևանի փայլաթիթեղագլանման ԱՐՄԵՆԱԼ գործարանը յուրացրեց կոնտեյներային փայլաթիթեղի արտադրությունը, այն նախատեսված է մթերային կոնտեյներների պատրաստման համար: Այս արտադրատեսակը համաշխարհային շուկայում բարձր պահանջարկ ունի:
Կոնտեյներային փայլաթիթեղի փորձնական նմուշներն արժանացել են սպառողների դրական գնահատականին և պատվիրատուներին արդեն առաքվել են արտադրական խմբաքանակներ:
Մինչ ընթացիկ տարվա վերջ ԱՐՄԵՆԱԼ-ը կհասցնի նոր արտադրանքի թողարկումը մինչև ամսական 400 տոննա, իսկ 2017 թ. նախատեսում է հասցնել ամսկան ծավալը 600 տոննայի: Տվյալ արտադրատեսակի սպառման հիմնական շուկան ԱՄՆ-ն է:
«Գործարանի հետագա զարգացման ռազմավարության շրջանակներում մյուս տարի նախատեսվում է տեղադրել կոնտեյներային փայլաթիթեղի հատման ևս մեկ հոսքագիծ», - ասաց ԱՐՄԵՆԱԼ-ի գլխավոր տնօրեն Վյաչեսլավ Սինելնիկովը:
Տեղեկություն գործարանի մասին
ԱՐՄԵՆԱԼ-ը ստեղծվել է Երևանում ՌՈՒՍԱԼ ընկերության կողմից 2000 թ. Քանաքեռի ալյումինի գործարանի հիմքի վրա, այն Հայաստանի խոշորագույն արդյունաբերական ձեռարկություններից է, Կովկասում և Կենտրոնական Ասիայում փայլաթիթեղի միակ արտադրողը: ՍԱՅԱՆԱԼ, «Ուրալսկայա ֆոլգա», «Սայանսկայա ֆոլգա» գործարանների հետ կազմում է ՌՈՒՍԱԼ-ի փաթեթավորման դիվիզիոնը:
ՀԱՅԵՐԵՆ
Русский
English
Դաս. հայերեն
French
