«Հայաստանն այս պահից սկսած պետք է համապատասխան հիմքեր ստեղծի արևային տեխնոլոգիաների զարգացման և արտադրության համար». Փիթեր Գևորգյան (Տեսագրություն)
08-10-2016 12:00:00 | Հայաստան | Մամուլի սրահ
Հոկտեմբերի 8-ին ժամը 12.00-ին «Նոյյան Տապան» լրատվական գործակալության մամուլի սրահում Գիտությանը, նորարարական տեխնոլոգիաների զարգացմանը և հեռանկարային լուծումերին աջակցող «Նոյյան Տապան» Հիմնադրամը կազմակերպել է հանդիպում – քննարկում «Vector Data Design» ընկերության ինժեներ-մասնագետ, գիտնական, պրոֆեսոր ամերիկահայ Փիթեր Գևորգյանի հետ։
Թեման՝ «Արեւային էներգետիկայի հեռանկարները Հայաստանում, Հայաստանի արևային էներգիայի արտադրության, արևային PV համակարգերի նախագծման և շինարարության, ռիսկերի կառավարման և տնտեսական գնահատման կարողությունների ու տեխնոլոգիական հարցերի մանրամասները»։
Թեմայի վերաբերյալ.
Վերջին մի քանի տարիների ընթացքում արևային ֆոտովոլտայիկ (արևային ՖՎ) համակարգերի արժեքի զգալի անկումը հանգեցրել է դրանց համաշխարհային պահանջարկի աճին։ Հայաստանը, որն ունի արևից էլեկրտրաէներգիա ստանալու մեծ ներուժ, նաև հնարավորություն ունի օգտվելու այս համաշխարհային միտումից: Հայաստանում էներգետիկայի օրենսդրական միջավայրի փոփոխություններից հետո, մասնավորապես երկկողմանի հաշվիչների կիրառման վերաբերյալ օրենքի ընդունումից հետո, հանրային հետաքրքրությունը այս ոլորտի նկատմամաբ զգալի աճել է:
Հյուրի մասին.
Դոկտոր Փիթեր Գևորգյանը՝ միջազգային ճանաչում ունեցող պրոֆեսոր, արևային ֆոտովոլտայիկ և այլընտրանքային էներգիայի ոլորտում բազմաթիվ գրքերի հեղինակ է: Նա ունի էլեկտրոնիկայի բակալավրի աստիճան, համակարգչային գիտության մագիստրոս է և էլեկտրատեխնիկայի դոկտոր։ Նրա աշխատանքային փորձը վերականգնվող էներգիայի աղբյուրների ոլորտում է, որպիսիք են արեգակնային էներգիան, վառելիքային բջիջները և միկրո - տուրբինների կոֆեներացիան։
Նա նախագծել է ավելի քան 250 ՄՎտ ֆոտովոլտայիկ համակարգեր առողջապահության, ավիացիայի և տարածաշրջանային էներգամատակարար ընկերությունների համար: Նա Կանադայի և Կալիֆորնիայի արհեստավարժ ճարտարագետների և Կալիֆորնիայի Էներգետիկայի ճարտարագետների միության ակտիվ անդամ է։ Դոկտոր Գևորգյանը ընդլայնված արևային ֆոտովոլտայիկ եւ այլընտրանքային էներգետիկ էներգիայի արտադրության հրավիրված պրոֆեսոր- դասախոս է, ով իրականացրել է բազմաթիվ սեմինարներ և դասախոսություններ ամբողջ աշխարհում: Հարկ է նաև նշել, որ նրա հրատարակված 17 գրքերից 9-ը արևային էներգիայի ոլորտում են։