Ռուսաստանը Սիրիայում ռազմածովային բազա է ստեղծելու
10-10-2016 17:11:49 | Ռուսաստան | Միջազգային
Ռուսաստանը Սիրիայում մշտական հիմքի վրա ստեղծելու է ռազմածովային բազա:
korrespondent.net-ի փոխանցմամբ` այդ մասին հաղորդել է Ռուսաստանի Պաշտպանության փոխնախարար Նիկոլայ Պանկովը:
Նրա խոսքերով` համապատասխան փաստաթղթերը ներկա պահին պատրաստված են և անցնում են միջգերատեսչական համաձայնեցման գործընթաց. «Մենք հույս ունենք, որ շուտով կխնդրենք Ձեզ այն վավերացնել»:
Տարտուսում ռուսական նավատորմի նյութատեխնիկական ապահովության կետը գոյություն ունի 1970-ական թվականներից: Այն հանդիսանում է Միջերկրական ծովում Ռուսաստանի ռազմածովային նավատորմի միակ հենակետը: Կետի սպասարկմամբ զբաղվում են միայն քաղաքացիական անձիք:
Նշվում է, որ Ռուսաստանը ցանկանում է վերադարձնել ռազմական բազաները Կուբայում, Վիետնամում և Եգիպտոսում: