Հալեպում սիրիական ընդդիմությունը գործողություններ է սկսել Ասադի ուժերի դեմ
02-11-2016 18:17:05 | Սիրիա | Հասարակություն
«Ազատ սիրիական բանակ» (ԱՍԲ) ընդդիմադիր զինված խմբավորումը հայտարարել է Հալեպում նոր ռազմական գործողություն սկսելու մասին:
Interfax.ru-ի փոխանցմամբ` ԱՍԲ-ի կողմից չորեքշաբթի տարածված հայտարարության մեջ ասվում է, որ նոր ռազմական գործողություն սկսելու մասին որոշումը կայացվել է «Հալեպ քաղաքն Ասադի ռեժիմի և նրա կողմնակիցների կողմից պաշարմանն ի պատասխան:
Փաստաթղթում նաև ասվում է, որ գործողությունները կշարունակվեն այնքան ժամանակ, քանի դեռ իրենք չեն հասնի Հալեպը շրջափակումից դուրս բերելուն և չեն ապահովի արդարացի կյանքի պայմաններ իրենց բնակիչների համար:
ԱՍԲ-ն հայտարարել է, որ ձգտում է խուսափել խաղաղ բնակչության շրջանում զոհերից և խոստացել է, որ իր հարձակման թիրախում լինելու են միայն կառավարական ռազմական օբյեկտները: Այս կապակցությամբ ԱՍԲ-ն խորհուրդ է տվել կառավարական ուժերի կողմից վերահսկվող քաղաքի շրջաններում գտնվող սիրիացիներին հեռու մնալ ռազմական օբյեկտներից:
ՀԱՅԵՐԵՆ
Русский
English
Դաս. հայերեն
French
