2009թ.-ի ընթացքում Հայաստանի նախագահի հրամանագրով 4 323
անձի շնորհվել է ՀՀ քաղաքացիություն
29-01-2010 16:08:00 | Հայաստան | Հասարակություն
ԵՐԵՎԱՆ, 29 ՀՈՒՆՎԱՐԻ, ՆՈՅՅԱՆ ՏԱՊԱՆ: 2009թ.-ի ընթացքում
ձեւակերպվել է ՀՀ քաղաքացու 191 451 անձնագիր: Ըստ ՀՀ
Ոստիկանության օպերատիվ հաղորդագրությունների ամփոփագրի,
Անձնագրային եւ վիզաների վարչության տարածքային անձնագրային
ծառայությունների կողմից տպագրվել է 178 092 անձնագիր: Ըստ
բնակության վայրի հաշվառվել է` 142 726, հաշվառումից հանվել է
86 632 քաղաքացի:
ՀՀ քաղաքացիություն ձեռք բերելու եւ քաղաքացիությունից դուրս
գալու կապակցությամբ անցած տարի կազմվել եւ ընթացք է տրվել 6 725
քաղաքացու գործի: ՀՀ նախագահի հրամանագրով 4 323 անձի շնորհվել է
ՀՀ քաղաքացիություն: Այլ պետության քաղաքացիություն ընդունելու
կապակցությամբ դադարեցվել է 427 անձանց ՀՀ քաղաքացիությունը: