ԻՊ-ի ահաբեկիչներն առևանգել են Իրաքի մոտ 300 նախկին ավտանգության ծառայակիցների
08-11-2016 16:31:41 | Իրաք | Հասարակություն
Ժնևում կայացած ճեպազրույցի ժամանակ Մարդու իրավունքների հարցերով ՄԱԿ-ի գերագույն հանձնակատարի գրասենյակի պաշտոնական ներկայացուցիչ Ռավինա Շամդասանին հայտարարել է, որ նոյեմբերի 1-4-ն ընկած ժամանակահատվածում «Իսլամական Պետություն» ահաբեկչական խմբավորման կողմից առևանգվվել է 295 իրաքյան անվտանգության նախկին աշխատող:
Tass-ը հաղորդում է, որ դեպքերն արձանագրվել են Մոսուլի մոտակայքում գտնվող մի քանի գյուղերում: Շամդասանիի խոսքերով, գերիների ճակատագիրը մինչ օրս անհայտ է մնում:
Հաղորդվում է նաև Սինջար նահանգի 30 առաջնորդների առևանգման մասին, որոնցից 18-ը տարբեր տեղեկություններով արդեն սպանվել են Տելեֆար թաղամասում: Սակայն, ՄԱԿ-ի ներկայացուցչի խոսքերով նրանց առայժմ չի հաջողվել պարզել տեղեկության ճշգրտությունը: