Դամասկոսում տեղակայված ավիաբազայում մի քանի պայթյուններ են հնչել
07-12-2016 16:23:08 | Սիրիա | Միջազգային
Սիրիական իշխանությունները չորեքշաբթի առավոտյան հաղորդել են մի շարք պայթյունների մասին, որոնք հնչել են Դամասկոսի արևմտյան շրջանում տեղակայված Սիրիայի ռազմաօդային ուժերի բազայում:
Interfax-ի փոխանցմամբ` պայթյունների պատճառների մասին տեղեկատվությունը հակասական է:
Այսպես, արաբական «Ալ Մասդար» պարբերականը պնդում է, որ պայթյուններին նախորդել է զենքի պահեստում բռնկված հրդեհը: Սակայն որոշ արաբական ԶԼՄ-ներ, այդ թվում նաև «Ալ Մայադինը» հաղորդել են, որ իսրայելական ինքնաթիռներն ավիաբազայի ուղղությամբ ռումբեր են բաց թողել` միաժամանակ այդ ընթացքում մնալով Լիբանանի օդային տարածքում:
Իսրայելի բանակում հրաժարվել են մեկնաբանել այդ տեղեկությունները: