Ամփոփվել են ՀԱԷԿ-ի շահագործման երկարաձգման ծրագրի առաջին փուլի արդյունքները և հստակեցվել անելիքները
08-12-2016 14:48:12 | Ռուսաստան | Տնտեսություն
Աշխատանքային այցով դեկտեմբերի 7-8-ը ՌԴ մայրաքաղաք Մոսկվայում գտնվող ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանի գլխավորած պատվիրակությունը հանդիպումներ է ունեցել ատոմային էներգետիկայի Ռոսատոմ պետական կորպորացիայի գլխավոր տնօրեն Ալեքսեյ Լիխաչովի, առաջին տեղակալ Կիրիլ Կոմարովի և Ռուսատոմ Սերվիս ընկերության ղեկավարության հետ։ Քննարկվել են ատոմային էներգետիկայի բնագավառում հայ-ռուսական համագործակցության հետ կապված մի շարք հարցեր։
Կողմերն անդրադարձել են մասնավորապես Հայկական ԱԷԿ-ի երկրորդ էներգաբլոկի շահագործման ժամկետի երկարաձգման ծրագրի իրականացման ընթացքին։ Ամփոփվել են առաջին փուլի արդյունքները և հստակեցվել 2017թ. խնդիրներն ու ժամանակացույցը։
Հանդիպումների ընթացքում պայմանավորվածություն է ձեռք բերվել երկրորդ էներգաբլոկի ծրագրի իրականացման շրջանակներում նաև 2018-2019թթ. իրականացվելիք աշխատանքի ծավալի և ժամկետների վերաբերյալ։
Տեղեկատվության և հասարակայնության հետ կապերի բաժին
ՀԱՅԵՐԵՆ
Русский
English
Դաս. հայերեն
French
