1.2 մլն տարի առաջ ապրած նախնադարյան մարդիկ օգտվել են ատամի խոզանակներից
30-12-2016 13:48:19 | | Գիտություն եւ տեխնոլոգիաներ
Գիտնականների միջազգային խումբը պարզել է, որ նախնադարյան Homo antecessor մարդիկ, որոնք ապրել են 1.2 մլն տարի առաջ օգտվել են ատամի խոզանակներից: Փորձագետներն այս եզրակացությանը հանգել են` ուսումնասիրելով Իսպանիայի Սիմա դել Էլեֆանտա քարանձավում հայտնաբերված բրածո ծնոտը, գրում է Lenta.ru-ն:
Homo antecessor-ի ստորին ծնոտը հայտանբերվել է դեռևս 2007 թվականին: Մարդկանց այս Պլեյստոցեն տեսակը բնակվել է ներկայիս հյուսիսային Իսպանիայի տարածքում: Գիտնականները ստորին ծնոտի մնացորդների հետ միասին հայտնաբերել են նաև ատամների արանքում մնացած մանր փայտաթելեր, որոնք շատ նման են ներկայումս մարդկության կողմից օգտագործվող ատամի խոզանակներին:
Հետազոտողների խոսքերով, այս ամենը վկայություն է այն մասին, որ նախնադարյան Homo antecessor մարդիկ ծառերի ճյուղերը օգտագործել են, որպես ատամի խոզանակներ:
ՀԱՅԵՐԵՆ
Русский
English
Դաս. հայերեն
French
