Երևանում և հանրապետության ավտոճանապարհների պատահարների ամփոփագիրը
18-01-2017 20:17:34 | Հայաստան | Իրավունք
Հունվարի 17-ին, ժամը 15.40-ին, Երևանի Նալբանդյան թիվ 50 հասցեի «ԳԱԶ-32021» մակնիշի ավտոմեքենան ինքնաբերաբար հետ է ընթացել և վրաերթի ենթարկել վարորդին, որը մնացել է ավտոմեքենայի ու պատի միջև՝ ստանալով մարմնական վնասվածքներ:
Վարորդը տեղափոխվել է հիվանդանոց:
Կատարվում է քննություն:
***
Հունվարի 17-ին, ժամը 20-ին, «Մերսեդես» մակնիշի ավտոմեքենայի վարորդը Երևանի Գյուլբենկյան և Վ. Համբարձումյան փողոցների խաչմերուկում վրաերթի է ենթարկել 55-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Հունվարի 17-ին, ժամը 07.15-ին, «Միցուբիշի» մակնիշի ավտոմեքենան Երևանի Իսակովի պողոտայի թիվ 22 հասցեի մոտ բախվել է գովազդային վահանակի:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Հունվարի 17-ին, ժամը 15.45-ի սահմաններում, Արագածոտնի մարզում՝ Կոշ-Լեռնարոտ ճանապարհի 3-րդ կմ-ին, իրար են բախվել «ՎԱԶ-2107» և «ԳԱԶ-2410» մակնիշի ավտոմեքենաներ:
Պատահարի հետևանքով «ՎԱԶ-2107»-ի վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Հունվարի 18-ին, ժամը 00.40-ի սահմաններում, «Ռենո Լոգան» մակնիշի ավտոմեքենան Երևան-Սևան-Իջևան ճանապարհի 52-րդ կմ-ին դուրս է եկել ճանապարհի երթևեկելի գոտուց, բախվել բետոնե արգելապատնեշին և նշված հատվածում առկա կամրջից ցած ընկել:
Վարորդը մարմնական վնասվածքներով տեղափոխվել է հիվանդանոց:
ՀԱՅԵՐԵՆ
Русский
English
Դաս. հայերեն
French
