Քաղաքաշինության պետական կոմիտեի պատվիրատվությամբ հարմարեցվել է կառավարական 3-րդ մասնաշենքը
01-02-2017 15:12:16 | Հայաստան | Մամլո հաղորդագրություն
ՀՀ ԿԱ քաղաքաշինության պետական կոմիտեի պատվիրատվությամբ իրականացված շինարարական աշխատանքների արդյունքում դեռևս դեկտեմբեր ամսին ավարտվել է ՀՀ կառավարական 3-րդ տան գլխավոր մուտքի ավտոկայանատեղիի, շենք մուտք գործող թեքահարթակի, մուտքի դռների, շենքի վերելակների, սանհանգույցների համապատասխանեցման գործընթացը՝ հավասար հնարավորություններ ապահովելով հաշմանդամություն ունեցող անձանց համար:
Ներկայացված աշխատանքներին տեղում ծանոթանալու, ինչպես նաև փորձարկելու նպատակով «Ունիսոն ՀԿ նախագահ Արմեն Ալավերդյանն այսօր շրջայց է կատարել շենքում: Նրան ուղեկցող մեքենան նախ գլխավոր մուտքի ավտոկայանատեղիի մոտ կանգնեց, որից հետո նա սայլակով բարձրացավ շենք մուտք գործող տաքացվող թեքահարթակով: Անցնելով ավտոմատ բացվող մուտքի դռներով և բարձրանալով ձայնային ազդանշանով գործող վերելակով` Արմեն Ալավերդյանը ծանոթացավ նաև հաշմանդամություն ունեցող անձանց համար համապատասխանեցված սանհանգույցներին:
Շրջայցից հետո պարոն Ալավերդյանն իր գոհունակությունն հայտնեց կատրված աշխատանքների վերաբերյալ, նշելով.- Քաղաքաշինության պետական կոմիտեի ջանքերով մեծ և որակյալ աշխատանք է կատարվել: Ես որպես հասարակական կազմակերպության ներկայացուցիչ հաճախ եմ այցելում այս շենք, որը մինչև վերջերս դժվարությամբ էի հաղթահարում, իսկ հիմա` կատարված շինարարական աշխատանքների շնորհիվ` այն հավասար հնարավորություններ է ապահովում յուրաքանչյուրի համար:
Քաղաքաշինության պետական կոմիտեի աշխատակազմի միջազգային համագործակցության և կառուցապատման ներդրումային ծրագրերի վարչության պետի տեղակալ Արթուր Սարգսյանցը ներկայացնելով կատարված աշխաանքները նշեց, որ շենքի հարմարեցման համար ՀՀ կառավարության որոշմամբ 2016 թվականի բյուջեով հատկացվել է 16.702.000 դրամ, իսկ աշխատանքներն իրականացվել է «ՎԱԱՄ» ՍՊ ընկերության կողմից:
Հիշեցնենք, որ 2016 թվականը Հայաստանում հայտարարվել էր հաշմանդամություն ունեցող անձանց համար հավասար հնարավորությունների տարի և ՀՀ կառավարությունը դեռևս 2015 թվականի օգոստոսի 31-ի N 40 արձանագրային որոշմամբ հավանության էր արժանացրել այդ ուղղությամբ իրականացվող միջոցառումների ցանկը (http://www.arlis.am/DocumentView.aspx?DocID=100134):
Ի դեպ, համաձայն վերը նշված արձանագրային որոշման` ՀՀ աշխատանքի և սոցիալական հարցերի նախարարությունը ՀՀ ԿԱ քաղաքաշինության պետական կոմիտեի հետ հանդիսանում է համակատարող իրականացված աշխատանքների կատարման գործում:
ՀԱՅԵՐԵՆ
Русский
English
Դաս. հայերեն
French
