ՊԵՐԵՍԼԱՎԼ, 6 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Պերեսլավլցի արտագերատեսչական պահպանության երկու աշխատակից
կողոպտել են տեղի մի գաստարբայտերի (օտարերկրացի վարձու աշխատող):
Նախաքննության վարկածի համաձայն, տղամարդուն միլիցիոներները ծեծել
են նրա ազգային պատկանելության պատճառով:
Ինչպես պարզել է քննությունը, հայ տղամարդը ուսով կպել է
անցորդի: Վերջինս օգնության է կանչել իր ընկերներին` վարորդին եւ
արտագերատեսչական պահպանության մարտիկին: Միլիցիոներները ասել են,
որ կովկասցուն, ի տարբերություն բնիկ յարոսլավցիների, պետք չէ ուշ
երեկոյան զբոսնել փողոցում: Եվ սկսել են ծեծել նրան, հավաստիացնում
է քննությունը: Միլիցիոներները նրանից վերցրել են բջջային
հեռախոսը:
Ինչպես գրում է «Երկրամասը», այժմ ՌԴ դատախազությանն առընթեր
քննչական կոմիտեի Յարոսլավլի մարզի քննչական վարչության
պերեսլավյան միջշրջանային քննչական բաժինը կողոպուտի փաստի
առնչությամբ ստուգումներ է կատարում: Առաջիկայում քննիչները
պատարստվում են քրեական գործ հարուցել արտագերատեսչական
պահպանության աշխատակիցների նկատմամբ «պաշտոնեական
լիազորությունների գերազանցում բռնության կիրառմամբ» հոդվածի
հատկանիշներով: Իսկ դա նշանակում է, որ միլիցիոներներին սպառնում է
մինչեւ 10 տարվա ազատազրկում: