Էրդողանը և Թրամփը կհանդիպեն ՆԱՏՕ-ի գագաթնաժողովից առաջ
19-04-2017 13:57:09 | | Հասարակություն
Թուրքիայի արտգործնախարար Մևլութ Չավուշօղլուն հաղորդել է Թուրքիայի և ԱՄՆ-ի նախագահներ Ռեջեփ Էրդողանի և Դոնալդ Թրամփի` մայիսին կայանալիք ՆԱՏՕ-ի գագաթնաժողովից առաջ երկկողմ հանդիպում անցկացնելու մտադրության մասին: tass-ի փոխանցմամբ` այդ մասին նա հայտարարել է Անկարայում:
Երեքշաբթի Չավուշօղլուն հեռախոսազրույց է ունեցել ԱՄՆ պետքարտուղար Ռեքս Թիլերսոնի հետ: Թուրքական A Haber հեռուստաալիքի տվյալներով` հեռախոսազրույցի ընթացքում քննարկվել է Էրդողանի Վաշինգտոն կատարելիք այցի հետ կապված հարցեր:
ՆԱՏՕ-ի գագաթնաժողովից առաջ, որը կայանալու է մայիսի 25-ին Բրյուսելում, Էրդողանի և Թրամփի հանդիպման մասին ավելի վաղ ևս խոսվել է: Թուրքիայում առայժմ այդ այցի հետ կապված կոնկրետ ամսաթվեր չեն հայտնում: