Հհունիսի 20-ին, Գեղարքունիքի մարզպետ Կարեն Բոթոյանն ընդունել է մարզի շուրջ երկու տասնյակ հասարակական կազմակերպությունների ներկայացուցիչների: Բացման խոսքում մարզպետը նշել է, որ մեծ գնահատանքի է արժանի հասարակական կազմակերպությունների ծավալած աշխատանքը և որ դեռևս կան շատ խնդիրներ, որոնց լուծումն առանց քաղաքացիական հասարակության ակտիվ ներգրավման դժվար է պատկերացնել։
Մարզպետը կարծիք է հայտնել, որ մարզային իշխանությունների հետ տևական ժամանակ ընթացող համագործակցությունն ավելի կընդլայնվի և հնարավորինս արագ կստեղծվեն պայմաններ նոր գաղափարներ կյանքի կոչելու համար։ Հանդիպման ընթացքում հասարակական կազմակերպությունների ներկայացուցիչներն ամփոփ տեղեկատվություններ ներկայացրին իրենց գործունեության կոնկրետ ուղղությունների, իրականացված և ընթացող աշխատանքների վերաբերյալ։
Կարեն Բոթոյանը պատրաստակամություն հայտնեց իր լիազորությունների շրջանակներում աջակցել մարզի զարգացմանը նպաստելուն միտված ծրագրի իրականացմանը, ինչպես նաև խոստացավ նման ձևաչափի հանդիպումներն հաղորդել պարբերական բնույթ։
ՀԱՅԵՐԵՆ
Русский
English
Դաս. հայերեն
French
