Հունիսի 21-22-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես` Երևան քաղաքի Էրեբունի պատմահնագիտական արգելոց-թանգարան-ի մոտակայքում այրվել է մոտ 5000 քմ խոտածածկույթ, Մ-3 ավտոճանապարհի Աշտարակ-Ապարան հատվածի 3-րդ կմ-ի մոտակայքում՝ մոտ 1000 քմ, Արմավիրի մարզի Բամբակաշատ գյուղի 3/1 փողոցի տներից մեկին հարակից հացատանը՝ մոտ 5 խմ կուտակած վառելափայտ:
Բոլոր հրդեհները հրշեջ-փրկարարները մեկուսացրել են և մարել: