Երևանում կրակոցներ արձակած անձը ներկայացել է ոստիկանություն
09-08-2017 17:59:00 | Հայաստան | Իրավունք
Ոստիկանության Քանաքեռ-Զեյթունի բաժնում երեկ հաղորդում էր ստացվել, որ ժամը 1.10-ին Վ. Վահյան փողոցի տներից մեկի բնակիչ Ա. Դ.-ն իր տան պատուհանից ատրճանակից կրակոցներ է արձակել:
Ոստիկանությունից հայտնում են, որ ըստ նախնական տեղեկությունների՝ օգոստոսի 8-ին, ժամը 1-ից մինչև ժամը 1.30-ն ընկած ժամանակահատվածում Աշոտ Դ.-ն իր տան 2-րդ հարկի պատուհանից վիճաբանել է իրեն անծանոթ անձանց հետ, որի ընթացքում ատրճանակից օդ է կրակել:
Դեպքի վայրի զննությամբ հայտնաբերվել են պարկուճ և գնդակ: Ա. Դ.-ն ներկայացվել է ոստիկանություն և ներկայացրել ատրճանակը: Նշանակվել են փորձաքննություններ: Կատարվում է քննություն: