Թուրքական հրետանին հրթիռակոծել է սիրիական Աֆրին քաղաքը. կա տասնյակից ավելի վիրավոր
30-08-2017 09:42:16 | Սիրիա | Հասարակություն
Թուրքական բանակը հրթիռակոծել է սիրիական Հալեպ նահանգի հյուսիսում գտնվող Աֆրին քաղաքի բնակելի թաղամասերի ուղղությամբ:
РИА Новости-ի փոխանցմամբ՝ այդ մասին հաղորդել է Աֆրինից քուրդ-սիրիացի քաղաքագետ Ռեզան Հեդուն:
«Այսօր Աֆրինի բնակելի թաղամասերը հրթիռակոծվել են Թուրքիայի կողմից: Ուժգին վնասվել են խաղաղ բնակիչների տները, տասնյակ մարդիկ վիրավոր են, այդ թվում նաև 11-ամյա մի աղջիկ»,- պատմել է նա:
Քաղաքագետի խոսքերով՝ հրթիռակոծությունը սկսվել է օրվա այն ժամին, երբ մարդկանց մեծամասնությունն իրենց ընտանիքների հետ զբաղվել են գնումներով մահմեդական Կուրբան բայրամ տոնին նախապատրաստվելու համար:
Նրա պնդմամբ՝ ներկա պահին Աֆինիի գյուղերի պարբերական հրթիռակոծությունները շարունակվում են:
Աֆրինում սիրիացի քուրդերի ներկայացուցիչը նաև հայտարարել է, որ թուրքերն առաջին անգամը չէ, որ հրթիռակոծում են սիրիական քաղաքները: Տարվա ընթացքում բնակելի թաղամասերը մշտապես ենթարկվում են հրետակոծության, սակայն այս անգամ հրետակոծությունը եղել է ինտենսիվ և շարունակական:
ՀԱՅԵՐԵՆ
Русский
English
Դաս. հայերեն
French
