06-11-2017 13:44:04 | Սաուդյան Արաբիա | Միջազգային
Սաուդյան Արաբիայի գլխավորած արաբական կոալիցիան Իրանի կողմից եմեն հուսիթ ապստամբներին ցուցաբերվող աջակցությունը գնահատելու է որպես պատերազմական գործողություն:
korrespondent-ի փոխանցմամբ՝ այդ մասին ասվում է կոալիցիայի տարածած հայտարարության մեջ:
«Իրանի կողմից հուսիթների ներկայացուցիչների ուղիղ հրահանգումը դասվում է ագրեսիայի ակնհայտ ակտերի կատեգորիային, որի թիրախ են հանդիսանում հարևան երկրները, ինչպես նաև տարածաշրջանի անվտանգությունը և խաղաղությունը: Ուստի կոալիցիան այդ գործողությունները դիտարկում է որպես իրանական կողմից դրսևորվող ակնհայտ պատերազմ Սաուդյան Արաբիայի դեմ ուղղված»,- ասվում է հաղորդագրությունում:
Արաբական կոալիցիայի հրամանատարությունը նաև հայտարարել է, որ փակում է Եմենի բոլոր ցամաքային, օդային և ծովային նավահանգիստները:
Նշվում է, որ շրջափակումը չի վերաբերում կոալիցիայի վերահսկողությամբ հումանիտար բեռների մատակարարմանը: