Նախարարի տեղակալը դիմավորել է աշխարհի գավաթի խաղարկության արծաթե մեդալակիր Էդգար Ստեփանյանին
07-11-2017 17:22:43 | Հայաստան | Սպորտ
Այս գիշեր Երևան է վերադարձել հայ հեծանվորդ Էդգար Ստեփանյանը, ով աշխարհի գավաթի խաղարկության արծաթե մեդալակիր է:
Էդգար Ստեփանյանին և նրա մարզիչ Արմեն Գյոզալյանին Երևանի «Զվարթնոց» օդանավակայանում դիմավորել է ՀՀ սպորտի և երիտասարդության հարցերի նախարարի տեղակալ Գաբրիել Ղազարյանը:
Գ. Ղազարյանը շնորհավորել է մարզիկին, մաղթել նրան հետագա հաջողություններ և նշել, որ նրա նվաճած արծաթե մեդալը անկախ Հայաստանի Հանրապետության պատմության մեջ առաջին մեդալն է հեծանվասպորտի աշխարհի գավաթի խաղարկությունում: «Վստահ եմ, որ լավ մարզվելու և հետևողական աշխատանքի շնորհիվ, կարող ես ունենալ մարզական ավելի մեծ նվաճումներ»,- ասել է նախարարի տեղակալը: