2009թ.-ի հունվար-հունիսին նախորդ տարվա նույն
ժամանակահատվածի համեմատ Հայաստանի ՀՆԱ-ն 16,3%-ով նվազել է
21-07-2009 23:00:00 | Հայաստան | Տնտեսություն
ԵՐԵՎԱՆ, 21 ՀՈՒԼԻՍԻ, ՆՈՅՅԱՆ ՏԱՊԱՆ: 2009թ-ի հունվար-հունիսին
նախորդ տարվա նույն ժամանակահատվածի համեմատ Հայաստանի ՀՆԱ-ն
նվազել է 16,3%-ով եւ կազմել 1 տրիլիոն 119 մլրդ 369 մլն դրամ (մոտ
3 մլրդ 66 մլն 766 հազ. ԱՄՆ դոլար): ՀՆԱ-ի ինդեքս-դեֆլյատորը
կազմել է 102,1%:
ՀՀ Ազգային վիճակագրական ծառայության տվյալներով, նախորդ
տարվա նույն ամիսների համեմատ այս տարվա հունվար-հունիսին
հանրապետությունում արդյունաբերական արտադրանքի ծավալը նվազել է
11,5%-ով եւ կազմել 281 մլրդ 487,8 մլն դրամ:
Գյուղատնտեսության համախառն արտադրանքն նվազել է 2,5%-ով եւ
կազմել 123 մլրդ 493,4 մլն դրամ, շինարարության ծավալը նվազել է
53,5%-ով եւ կազմել 124 մլրդ 593,7 մլն դրամ, մանրածախ
առեւտրաշրջանառության ծավալը մնացել է նույնը եւ կազմել 413 մլրդ
523,8 մլն դրամ, իսկ ծառայությունների ծավալը` աճել 0,9%-ով եւ
կազմել 339 մլրդ 787,4 մլն դրամ:
ՀՀ արտաքին առեւտրաշրջանառության ծավալը նախորդ տարվա
հունվար-հունիսի համեմատ նվազել է 31,5%-ով եւ կազմել 1 մլրդ 659,9
մլն դոլար: Ընդ որում, արտահանումը նվազել է 45,9%-ով եւ կազմել
281,3 մլն դոլար, իսկ ներմուծումը` նվազել է 27,5%-ով եւ կազմել 1
մլրդ 378,6 մլն դոլար:
2009թ.-ի հունվար-հունիսին սպառողական գները 2008թ.-ի նույն
ամիսների համեմատ աճել են 2,7%-ով, իսկ արդյունաբերական արտադրանքի
գները նվազել են 3,1%-ով:
Այս տարվա ապրիլի վերջին նախորդ տարվա նույն ամսվա համեմատ
պաշտոնապես գրանցված գործազուրկների թվաքանակը աճել է 6,5%-ով եւ
կազմել 81,2 հազար մարդ:
Այս տարվա հունվար-հունիսին միջին ամսական անվանական
աշխատավարձը կազմել է 98 138 դրամ (նախորդ տարվա նույն
ժամանակահատվածի համեմատ աճել է 12,7%-ով), այդ թվում` պետական
հատվածում` 81 282 դրամ (աճել է 17,4%-ով), ոչ պետական հատվածում`
122 579 դրամ (աճել է 6,9%-ով):
Այս տարվա հունվար-ապրիլին 1 ԱՄՆ-ի դոլարի միջին փոխարժեքը
կազմել է 348,04 դրամ: