ԵՐԵՎԱՆ, 16 ՀՈՒԼԻՍԻ, ՆՈՅՅԱՆ ՏԱՊԱՆ: Հայաստանի կառավարության հուլիսի 16-ի նիստում ընդունվեց «WGS-84» գեոդեզիական կորդինատի համակարգում տեղագրական քարտեզների եւ հատակագծերի բաց հրատարակման ընթացակարգը կարգավորելու մասին» նախագիծը: Ինչպես նիստին հաջորդած ճեպազրույցում հայտնեց ՀՀ Անշարժ գույքի կադաստրի պետական կոմիտեի նախագահի տեղակալ Աշոտ Մուսայանը, «WGS-84»-ի նպատակն է տնտեսության տարբեր բնագավառներին ապահովել օգտագործման համար բաց քարտեզներով ու հատակագծերով: Նշվեց նաեւ, որ Հայաստանում ներդրված «WGS-84» համաշխարհային գեոդեզիական կորդինատային համակարգը օգտագործման համար բաց է բոլոր մարմինների համար: «WGS-84» գեոդեզիական կորդինատի համակարգը Հայաստանում ներդրվել է 2002թ.-ին, որով Հայաստանը ընդգրկվել է եվրոպական գեոդեզիական համակարգի ցանցում:

---