Լոս Անջելեսի հայ համայնքը ցավակցում է ՏՈւ-154 ինքնաթիռի
աղետից զոհվածների հարազատներին
16-07-2009 17:40:00 | ԱՄՆ | Հասարակություն
ԼՈՍ ԱՆՋԵԼԵՍ, 16 ՀՈՒԼԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Հուլիսի 15-ին Թեհրան-Երեւան չվերթն իրականացնող ՏՈւ-154 օդանավի
վթարի կապակցությամբ Լոս Անջելեսի հայ համայնքը խորը վշտով
ցավակցում է զոհերի ընտանիքներին եւ նրանց հարազատներին:
Ինչպես տեղեկանում ենք համայնքից ստացված հաղորդագրությունից,
Հայաստանում հայտարարված Սգո օրվա կապակցությամբ հուլիսի 15-ին
երեկոյան ժամը 18:00-ից Գլենդելում տեղակայված Հայաստանի
Հանրապետության Գլխավոր հյուպատոսության շենքին տեղադրված ՀՀ
պետական դրոշը խոնարհվել է:
Կիրակի օրը` հուլիսի 19-ին, գլխավորությամբ Հյուսիսային
Ամերիկայի Արեւմտյան թեմի առաջնորդ Հովնան արքեպիսկոպոս
Տերտերյանի, Լոս Անջելեսի հայկական բոլոր եկեղեցիներում տեղի
կունենան հոգեհանգստյան արարողություններ` հուլիսի 15-ի վթարի
զոհերի հիշատակին: