Լոս Անջելէսի հայ համայնքը ցավակցում է տու-154 ինքնաթիռի
աղէտից զոհվածների հարազատներին
16-07-2009 17:40:00 | ԱՄՆ | Հասարակութիւն
ԼՈՍ ԱՆՋԵԼԷՍ, 16 ՅՈՒԼԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Յուլիսի 15-ին Թեհրան-Երեւան չուերթն իրականացնող տու-154 օդանաւի
վթարի կապակցութեամբ Լոս Անջելէսի հայ համայնքը խորը վշտով
ցավակցում է զոհերի ընտանիքներին եւ նրանց հարազատներին:
Ինչպէս տեղեկանում ենք համայնքից ստացուած հաղորդագրութիւնից,
Հայաստանում յայտարարուած Սգոյ օրուայ կապակցութեամբ յուլիսի 15-ին
երեկոյեան ժամը 18:00-ից Գլենդելում տեղակայուած Հայաստանի
Հանրապետութեան Գլխաւոր հիւպատոսութեան շէնքին տեղադրուած ՀՀ
պետական դրոշը խոնարհվել է:
Կիրակի օրը` յուլիսի 19-ին, գլխաւորութեամբ Հիւսիսային
Ամերիկայի Արեւմտյան թեմի առաջնորդ Յովնան արքեպիսկոպոս
Տերտերյանի, Լոս Անջելէսի հայկական բոլոր եկեղեցիներում տեղի
կունենան հոգեհանգստեան արարողութիւններ` յուլիսի 15-ի վթարի
զոհերի յիշատակին: