Այսօրվա իշխանությունները եկել են առայժմ ժամանակավոր ծառայության ժողովրդի ուսի վրա. Րաֆֆի Հովհաննիսյան (տեսանյութ)
10-07-2018 17:31:18 | Հայաստան | Քննարկում
«Ժառանգություն» կուսակցության հիմնադիր Րաֆֆի Հովհաննիսյանը կարևորում է սփյուռքի դերակատարումը և դիրքորոշումը, ինչո՞ւ… «Նոյյան Տապան» լրատվական կենտրոնի «Քննարկում» հաղորդաշարի ուղիղ եթերում պատասխանելով այս հարցին, Րաֆֆի Հովհաննիսյանն ասաց (դիտել 57:04-ից).
«Թե 5 տարի առաջ, թե նաև սփյուռքի հասունացման գործընթացի հետքերով, առավել ևս այս տարի սփյուռքի մասնակցությունն էական էր մեր հանրապետության հաջողությունների մեջ, և մենք իսկապես տեսանք, որ համահայկական ուժ կա, որը թե՛ գործնական է, թե՛ քաղաքական է, թե՛ ոգեղեն է, թե՛ մասնագիտական է, ինչ-որ տեղ տակավին ոչ ամբողջովին, բայց նյութական է նույնպես,- ասաց Րաֆֆի Հովհաննիսյանը:- Ես կարծում եմ, որ այդ բազմահարթ գործակցությունը պետք է խորանա, դառնա ինստիտուցիոնալ, միաժամանակ լինի ճկուն, որ կառույցներից դուրս անհատ հայրենակիցը կարողանա նաև մասնակցել իր մասնագիտությամբ, իր վերադարձով, իր ընտանիքի տեղավորմամբ, և այդ վերադարձի հույսի ծիլերը դրված են:
Միաժամանակ ունենք շարունակվող աշխատանքի պակաս, ունենք աղքատության շեմին գտնվող 30-40 տոկոս մեր բնակչության, նաև սփյուռքի ներգրավման զուգահեռ, այդ գոյություն ունեցող հայաստանյան հարցերը պետք է լուծում գտնեն, ինչո՞ւ չէ, նաև սփյուռքի ներդրողների, գործընկերների, նվիրատուների միջոցով»:
Մի շատ կարևոր ուղղում` մեր բնակչության 30-40 տոկոսը (իրականում, թերևս, ավելին) ոչ թե աղքատության շեմին, այլ աղքատության մեջ է գտնվում:
«Ժառանգություն» կուսակցության հիմնադրի համոզմամբ, այսօրվա իշխանությունների թիվ 1 ուժը ժողովրդի վստահությունն է, այն, որ իրենք եկել են առայժմ ժամանակավոր ծառայության ժողովրդի ուսի վրա:
«Վերջապես, ժողովուրդն իր կամքի մարմնավորումը, իր կյանքի իրացումը տեսել է իրական կյանքում,- ասաց Րաֆֆի Հովհաննիսյանը:- Սա թե՛ հպարտության աղբյուր է, թե՛, միաժամանակ, մեծ պատասխանատվություն, և անհրաժեշտ է, որ ռազմավարական հեռանկարում երիտասարդ էներգիան, էնտուզիազմը, նախաձեռնողականությունը, ոգեղենությունը նաև ամբողջացվի փորձառությամբ, և կկարողանանք ունենալ համալիր լուծումներ մեր ներքին և արտաքին մարտահրավերներին, որոնք անպակաս են լինելու այսօր և վաղը»:
Հարցազրույցին կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց` «Նոյյան Տապան» լրատվական կենտրոնի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Հաղորդումը վարել է «Նոյյան Տապան»-ի խմբագիր Գայանե Առաքելյանը:
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետևյալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։