Այս իշխանությունը պետք է փորձի անխոցելի լինել. Նարինե Մկրտչյան (տեսանյութ)
28-07-2018 21:00:15 | Հայաստան | Քննարկում
Հետաքրքիր մի երևույթ է նկատվում` թավշյա հեղափոխությունից հետո, երբ ինչ-որ քննադատություններ են լինում իշխանությունների նկատմամբ, մարդկանց մի մասը դա ընկալում է որպես հակահեղափոխության փորձ կամ գործիք: Այսօր «Նոյյան Տապան»-ի ուղիղ եթերում հեռարձակված «Քննարկում» հաղորդաշարի ընթացքում անդրադառնալով վերոնշյալ իրողությանը՝ ասաց Մամուլի ազգային ակումբի նախագահ Նարինե Մկրտչյանը (դիտել 50:00-ից).
«Որոշ չափով ես դա համարում եմ բնական, որովհետև մարդիկ, ովքեր իշխանության են բերել Նիկոլ Փաշինյանին, ուզում են տեսնել նրան, այսպես ասած, ձերբազատված քննադատությունից, քննադատազերծ: Բայց ամեն ինչ չափի մեջ է գեղեցիկ: Եվ այս առումով, իհարկե, ես առանձնապես ուշադրություն չեմ դարձնում, բայց ագրեսիայի դրսևորումները, ինչ-որ անհամաձայնությունը պետք է տեղավորվեն որոշակի սահմաններում, որովհետև շատ անգամ նորմալ դաստիարակության ու բարեկրթության խնդիր է, և ամեն ինչին չէ, որ պետք է անդրադառնալ»:
Ըստ Նարինե Մկրտչյանի, առավել ևս, եթե որոշ քննադատություններ վտանգ են հեղափոխության համար, այս իշխանությունը պետք է փորձի անխոցելի լինել և բոլոր սխալներն անմիջապես ուղղել ու գործել գրեթե անսխալ:
«Իսկ ինչ վերաբերվում է նրանց (օրինակ, ես ինձ համարում եմ այդպիսին), ովքեր քննադատում են, որովհետև փոփոխություններ են ուզում, ապա այդ ձայները նույնպես պետք է դառնան լսելի: Անհանդուրժողականության դրսևորումներով, ագրեսիայով հարձակվելը մարդու վրա լուրջ չէ, էլի եմ ասում, դա ավելի շատ դաստիարակության խնդիր է և մի քիչ քաղաքական մտածելակերպի բացակայության, այսինքն` քաղաքական մտածելակերպ չունեցող մարդիկ են շատ անգամ այդպես արձագանքում` հույզերով, էմոցիաները կառավարել չկարողանալով»:
Ըստ «Քննարկում» հաղորդաշարի, պետք է ուղղակի տարանջատել՝ ով, ինչպես և ինչու է քննադատում:
Հարցազրույցին կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց` «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետևյալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։