ՀԱՊԿ-ին Ադրբեջանի անդամակցումը քաղաքական բլեֆ է (ՏԵՍԱՆՅՈՒԹ)
07-09-2018 14:21:29 | Հայաստան | Հասարակություն
«Հավաքական անվտանգության պայմանագրի կազմակերպությանն (ՀԱՊԿ) Ադրբեջանի անդամակցումը քաղաքական բլեֆ է»,- համոզված է Արտակարգ և լիազոր դեսպան, Հայաստանի դիվանագիտական հիմնադրամի նախագահ Արման Նավասարդյանը:
Ըստ նրա, եթե Ադրբեջանը ցանկանում է դառնալ ՀԱՊԿ-ի անդամ, ապա ՀԱՊԿ-ի կանոնադրությամբ նա չի կարող լինել այլ ռազմական մի որևէ կազմակերպության, դաշինքի անդամ կամ ունենալ նրա հետ հարաբերություններ միջազգային իրավունքի փաստաթղթերի մակարդակով:
«Հայտնի է, որ Ադրբեջանը և Թուրքիան արդեն քանի տարի ունեն նման ռազմական պայմանագրեր ոչ միայն Ադրբեջանի և Թուրքիայի մեջ կապված տարբեր հարցերի հետ, այլև հենց Նախիջևանի»,- նշեց Ա. Նավասարդյանը՝ դրական գնահատելով Հայաստանի արտգործնախարարության արագ արձագանքը ՀԱՊԿ-ին Ադրբեջանի հնարավոր անդամակցության մասով:
Արտակարգ և լիազոր դեսպանի կարծիքով՝ վերոնշյալ հարցը չունի ապագա՝ Ադրբեջանը չի կարող ՀԱՊԿ-ում ոչ դիտորդ լինել և ոչ էլ առավել ևս անդամ:
Նրա խոսքերով՝ Ադբեջանը նման քարոզչական հնարքով փորձում է վնաս հասցնել Հայաստանին: