«Հիմա շատ կարևոր է մեզ համար, որ, իրոք, Փաշինյանը և իր գործընկերները, առաջինը, ասում են՝ մենք չենք վերցնում, հասկանում եմ, որ, իրոք, այդ դրվածքը դրված է՝  չենք վերցնում,- սեպտեմբերի 7-ին «Նոյյան Տապան» լրատվական կենտրոնի ուղիղ եթերում հեռարձակվող «Քննարկում» հաղորդաշարի ընթացքում ասաց «Ղարաբաղ» կոմիտեի անդամ Աշոտ Մանուչարյանը:- Բայց վաղը վերցնելու են: Եվ ինձ համար շատ կարևոր է, և՛ ձեզ համար, և՛ բոլորիս համար, որ կալանավորվեն դրանք առաջինը, ովքեր հիմա Փաշինյանի խմբից հանկարծ կփորձեն չարաշահել:

Այդ պահը՝ որպեսզի վերակառուցելու համար մասնագետների խորհուրդներ ստեղծվեն… Մենք ունենք մեր լուծումները: Այ, տեսեք, բոլշևիկյան հեղափոխությունն իր լուծումներն ուներ, բայց 88-ի հեղափոխությունը ցույց տվեց մեր լուծումները և մեր աշխարհի կառավարման նոր փիլիսոփայությունը, որը հիմա պետք է գործի: Ես ինչու եմ վրդովված, որ բոլորս չենք մասնակցում, կարծես թե բոլորիս ձեռքերը կապել են: Ցանկացած կուսակցություն, կազմակերպություն, մարդկանց խումբ ուղղակի, որն ուզում է մի բան անել, ինքն այսօր չունի արգելակող բանը: Վատագույն դեպքում՝ դուք պետք է փորձեք աջակցություն ստանալ պետական ապարատից, իսկ պետական ապարատի այդ նորանշանակ մարդն, ասենք, չհասկանա: Չի հասկանում, բայց չի էլ խանգարում, արե՛ք այդ բաները: Առաջ ինչ սկսում էիք, նայում էին՝ այստեղ եթե մի բան կա միջոց կորզելու, ուրեմն այդ բանը հարմարեցնեմ ինձ, վերցնեմ ինձ, իսկ եթե չկա, ինչո՞ւ պետք է թողնեմ մի բանը լինի, մեկ էլ տեսար՝ վտանգ եղավ: Հիմա այս բոլոր ստեղծագործելու հնարավորությունը կա, և հարցերի հարցն է՝ իսկ ո՞ւր ենք մենք, նրանք, ովքեր ուզում են այդ նորը կառուցել: Եվ այստեղից եթե գա այդ փիլիսոփայությունը՝ ո՞ւր ենք մենք՝ այն տասնյակներս, հարյուրներս, հազարներս՝ ողջ հայության մեջ, ի նկատի ունեմ ոչ միայն Հայաստանում, ովքեր հասկանում են, որ այդ աշխարհը, երբ որ մարդը հարստությունը կուտակում է իրենից դուրս, ավարտվում է: Մենք անընդհատ փորձել ենք իրեր կուտակել և հարստանանք, ունենանք ավելի ու ավելի շատ, շնորհիվ դրա է, որ կան հսկայական քանակով թշվառ մարդիկ, ատելություն, այսպիսի պետություն, որը մենք ստեղծել ենք, և որն ամեն ինչ ոչնչացնում է չորս բոլորը: Եվ դա էլ բացատրություն ուներ՝ մենք ինքներս էլ կենդանի ենք, կենդանական աշխարհից, և ուզում ենք ապահովված լինել՝ շատ բան լինի, որ հերիքի: Առաջին անգամն է՝ մարդկությունը հասել է մի վիճակի, որ ամեն ինչ հերիք է, կայուն, եթե նորմալ կյանք սահմանենք: Եվ ամենակարևորը՝  մենք հասել ենք մի վիճակի, երբ որ այն հարստությունն է հարստություն, որը մարդը կուտակում է իր ներսում՝ տաղանդների, ստեղծագործության հնարավորությունների և այլ ունակությամբ, բայց մենք շարունակում ենք մեր երեխաներին ցույց տալ այդ ճանապարհը, որ, չէ, հարստություն կուտակիր, հաճույք կուտակիր քեզանից դուրս, և նորից նրանց մղում ենք այդ մրցակցային աշխարհին, որը դրսևորվում է հենց մեր ստեղծած պետության մեջ»:

 

Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց՝ «Նոյյան Տապան»-ի  www.nt.am կայքով, «Նոյյան Տապան» հեռուստաընկերության Youtube-յան  ալիքով, «Նոյյան Տապան» ֆեյսբուքյան էջում և «Noyan Tapan»‰  ֆեյսբուքյան խմբում։

Ուղիղ եթերից հետո բանախոսին ուղղված հարցերն ու մեկնաբանությունները կարելի է թողնել՝ զանգհարելով ամերիկյան 818 9675321 և հայաստանյան 060 351131 հեռախոսահամարներով։ Ձեր խոսքի ձայնագրությունները հետագայում կօգտագործվեն «Հարցեր բանախոսին» հաղորդաշարում։

 

Նոյյան տապան  -   Քննարկում