Չարենցավանի քաղաքապետը խլե՞լ է քաղաքացու գույքը. քաղաքացու բաց նամակը ՀՀ վարչապետին ու իրավապահներին
17-09-2018 18:39:19 | Կոտայքի մարզ | Ի՞նչ է գրում մամուլը
armtimes.com Քաղաքացի Թաթուլ Իվանյանը դիմում է ՀՀ վարչապետին, նախագահին ու իրավապահ մարմիններին՝ 2008 թվականին Չարենցավանի ներկայիս քաղաքապետի կողմից իր կապիտալն ու հողատարածքը խլելու վերաբերյալ գործը բացահայտելու համար:
Քաղաքացու բաց նամակը ներկայացնում ենք ստորեւ՝ առանց խմբագրման:
«Ես՝ Թաթուլ Իվանյանս, դիմում եմ ՀՀ վարչապետ Նիկոլ Փաշինյանին, նախագահ Արմեն Սարգսյանին, գլխավոր դատախազ Արթուր Դավթյանին, ԱԱԾ տնօրեն Արթուր Վանեցյանին, ՀՔԾ պետ Սասուն Խաչատրյանին՝ բողոքարկելով իմ դեմ կայացրած Հ3ՔԴ/0023/04/08 վճռի դեմ, որի գլխավոր կազմակերպիչը Չարենցավանի ներկայիս քաղաքապետն է: Օգտագործելով իր հոր պաշտոնը, որը այն ժամանակ մարզպետն էր, հետո հորաքրոջ պաշտոնը, որը հարկայինի 3-րդ բաժնի պետն է, ինչու չէ՝ նաեւ իրենց բարեկամ դատավորի պաշտոնը, 2008 թվականին ինձանից խլեցին ինձ պատկանող 130 քմ հողը՝ տասը տարով վարձակալած եւ 49.3 քմ կապիտալ շինությունս:
ՀԱՅԵՐԵՆ
Русский
English
Դաս. հայերեն
French
