Նիկոլ Փաշինյանին ժողովրդի տված մանդատը վարչապետ լինելն ու մնալն է. Լևոն Շիրինյան (տեսանյութ)
04-10-2018 19:49:29 | Հայաստան | Քննարկում
Ազգային ժողովի լուծարման և Ազգային ժողովի արտահերթ ընտրություններ անցկացնելու հարցը պետք է լուծել ոչ թե վարչապետի հրաժարականի, այլ հանրաքվեի ճանապարհով: Հոկտեմբերի 4-ին «Նոյյան Տապան»-ի ուղիղ եթերում հեռարձակվող «Քննարկում» հաղորդաշարի ընթացքում այս կարծիքը հայտնելով, քաղաքական գիտությունների դոկտոր, պրոֆեսոր, մանկավարժական համալսարանի քաղաքագիտության և իրավունքի պատմության ամբիոնի վարիչ, քրիստոնեա–դեմոկրատական կուսակցություն նախաձեռնող խմբի անդամ Լևոն Շիրինյանն ասաց.
«Հանրաքվեն օրինական է, սահմանադրական է, միջազգային օրենքի շրջանակներում է և դեմոկրատական պրոցեդուրա է: Այդ դեպքում մենք գոնե կունենանք Արևմուտքի աջակցությունը, էլ չեմ ասում՝ ժողովրդի, և հանգիստ վիճակում…»:
Ըստ Լևոն Շիրինյանի, ինքը ՀՀԿ-ին ԲՀԿ-ին և Դաշնակցությանը չի հավատում, և քանի որ վարչապետի հրաժարականի պարագայում նրանք կարող են սադրել, նույնիսկ խոսք տալու դեպքում, իրենց խոսքը չկատարել, այս պայմաններում պետք է հարցը հանրաքվեի դնել, հակառակ պարագայում հասկանալի չէ, թե ինչ է կատարվելու:
Սակայն, Ազգային ժողովի լուծարման և խորհրդարանի արտահերթ ընտրություններ իրականացնելու հարցը հանրաքվեի դնելու խոչընդոտն այն է, որ մեր գործող օրենսդրությամբ հանրաքվեի հարցն ևս պետք է հաստատվի Ազգային ժողովի կողմից: Անդրադառնալով այս խնդրին, Լևոն Շիրինյանն ասաց.
«Դե դրա համար կա հիմնական միջոց՝ դա ուղղակի ժողովրդավարությունն է, որի մեջ նաև մեր վարչապետը վարպետ է, ժողովրդին հանում եք՝ Մեղրիից մինչև Աշոցք, և ստիպում եք, ինչպես որ երկու օր առաջ եղավ՝ ժողովուրդը շրջափակում է Ազգային ժողովը, իսկ նա այդ իրավունքն ունի, նաև, ինչպես որ եղավ նախորդ օրերին, դարպասները բացվում են ինչպես նախագահականի, այնպես էլ Ազգային ժողովի, երբ ամրոցները, Բաստիլի ամրոցը բացել են, և սրանք, ուզեն-չուզեն, կքվեարկեն՝ նաև ժողովրդին դուր գալու համար, որովհետև հակառակ պարագայում կունենան ամեն ինչ կորցնելու վտանգն իրենց ծոծրակին: Սրանց հավատալ չի կարելի: Այդ պայմաններում մենք կունենանք հանրաքվեի վերաբերյալ այդ բոլոր գործողությունները»:
Ըստ քաղաքագետի, իր ասածն ունի նաև երկրորդ ենթատեքստը. վերոնշյալ երեք ուժերը հանրաքվեի պարագայում այլևս կզրկվեն Ազգային ժողովում հայտնվելու որևէ հնարավորությունից՝ որպես ժողովրդի մանդատ ներկայացնողներ, քանի որ, պարզ է, կարճ ժամանակում նրանց նկատմամբ վստահությունը չի վերականգնվի, հանրաքվեով ժողովուրդը, ըստ էության, իր ընտրությունը կկատարի:
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Ուղիղ եթերից հետո բանախոսին ուղղված հարցերն ու մեկնաբանությունները կարելի է թողնել՝ զանգհարելով ամերիկյան 818 9675321 և հայաստանյան 060 351131 հեռախոսահամարներով։ Ձեր խոսքի ձայնագրությունները հետագայում կօգտագործվեն «Հետադարձ կապ» հաղորդաշարում։
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետևյալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։
ՀԱՅԵՐԵՆ
Русский
English
Դաս. հայերեն
French
