Հարկադիր կատարման ծառայությունում մեկնարկել է հարկադիր կատարողների ատեստավորման գործընթացը

19-10-2018 14:54:23 | Հայաստան | Մամլո հաղորդագրություն

Հարկադիր կատարման ծառայությունում ս/թ հոկտեմբերի 18-ից մեկնարկել է առաջատար և գլխավոր խմբերի պաշտոններ զբաղեցնող հարկադիր կատարողների ատեստավորման գործընթացը, որն անցկացվելու է մինչև հոկտեմբերի 26-ը ներառյալ:

Հարկադիր կատարողների ատեստավորումն անցկացվում է՝ համաձայն «Հարկադիր կատարումն ապահովող ծառայության մասին» ՀՀ օրենքի, ըստ որի՝ յուրաքանչյուր տարի հարկադիր կատարողների առնվազն մեկ երրորդը ենթակա է պարտադիր ատեստավորման: Հարկադիր կատարողի հերթական ատեստավորումն անցկացվում է երեք տարին մեկ:

Ատեստավորումից հետո ատեստավորման հանձնաժողովն ընդունում է հետևյալ որոշումներից միայն մեկը.

- համապատասխանում է զբաղեցրած պաշտոնին,

- կարող է զբաղեցնել ավելի բարձր պաշտոն,

- ատեստավորումը հետաձգել և հարկադիր կատարողին գործուղել վերապատրաստման.

- չի համապատասխանում զբաղեցրած պաշտոնին:

Այս տարի ատեստավորմանն ընդհանուր առմամբ մասնակցում են Ծառայության Երևան քաղաքի և մարզային բաժինների 98 հարկադիր կատարողներ

Նոյյան տապան - Մամլո հաղորդագրություն