ՌՈՒՍԱԼ-ը կանցկացնի թատերական փառատոն Հայաստանում և Ռուսաստանում
26-03-2019 16:14:29 | Հայաստան | Մամլո հաղորդագրություն
ՌՈՒՍԱԼ ընկերությունը, աշխարհում ալյումինի խոշորագույն արտադրողներից մեկը, ռուսաստանյան թատրոնի տարում իրականացնում է «ՌՈՒՍԱԼ ՖեստիվAL#Թատրոն» նախագիծը Ռուսաստանի և Հայաստանի 12 քաղաքներում, որտեղ գործում են իր ձեռնարկությունները: Նախագծի նպատակը մշակույթի և թատերական արվեստի հանդեպ հետաքրքրության բարձրացումն է:
«ՌՈՒՍԱԼ ՖեստիվAL#Թատրոն»-ը կընթանա մարտի 25-ից մինչև հունիսի 5-ը: Նախագծի շրջանակներում հանդիսատեսը կտեսնի ՄԽԱՏ-ի դպրոց-ստուդիայի և նրա շրջանավարտների 23 ներկայացում: Երիտասարդ դերասանների հյուրախաղերն արդեն տասը տարուց ավելի է, կազմակերպում է «Ազատ գործ» հիմնադրամը:
Երևանն առաջին անգամ է ընդգրկված ՌՈՒՍԱԼ-ի թատերական փառատոնի ծրագրում: Հայաստանի մայրաքաղաքում նախագծի գործընկեր դարձավ Կ.Ստանիսլավսկու անվան ռուսական դրամատիկական թատրոնը, որի բեմում հունիսի սկզբին հյուրերը կցուցադրեն երկու ներկայացում:
Բեմադրություններից բացի՝ նախագծի ծրագիրը ներառում է հանդիպումներ նշանավոր թատերական գործիչների հետ: Այսպես, Երևանում, Կրասնոյարսկում, Նովոկուզնեցկում կանցկացվեն վարպետության դասեր «Իյուլանսամբլի» և Վ.Մեյերխոլդի անվան կենտրոնի գեղարվեստական ղեկավար, ՄԽԱՏ դպրոց-ստուդիայի մանկավարժ, ռեժիսոր Վիկտոր Ռիժակովի հետ:
«Ընկերությունը թատերական փառատոն է անցկացնում արդեն երրորդ անգամ: Այս տարի մենք ընդլայնել ենք նախագծի աշխարհագրությունը և դարձրել փառատոնի ծրագիրն առավել հագեցած ու բազմաբնույթ», - պատմեց ՌՈՒՍԱԼ ընկերության հասարակայնության հետ կապերի դեպարտամենտի տնօրեն Օլգա Սանարովան:
ՌՈՒՍԱԼ-ի թատերական փառատոնը ընկերության սոցիալական նախագիծն է: Ներկայացումների տոմսերն անվճար են, տարածվում են մշակութային, կրթական, վարչական հաստատություններում, թատերական միջավայրի ներկայացուցիչների, ձեռնարկությունների աշխատակիցների շրջանակներում:
ՀԱՅԵՐԵՆ
Русский
English
Դաս. հայերեն
French
