Արցախի ԱԳ նախարարն ընդունել է «Թուֆենկյան» բարեգործական հիմնադրամի պատվիրակությանը
21-06-2019 19:16:54 | Արցախ (ԼՂՀ) | Մամլո հաղորդագրություն
Արցախի Հանրապետության արտաքին գործերի նախարար Մասիս Մայիլյանը հունիսի 21-ին ընդունել է «Թուֆենկյան» բարեգործական հիմնադրամի պատվիրակությանը` հիմնադրամի գործադիր տնօրեն Րաֆֆի Դուդաքլյանի գլխավորությամբ:
Արցախի Հանրապետության արտաքին գործերի նախարարությունից տեղեկացնում են, որ հանդիպման ընթացքում կողմերը քննարկել են Արցախի և «Թուֆենկյան» հիմնադրամի միջև համագործակցության զարգացման հեռանկարները և հիմնական ուղղությունները: Մասիս Մայիլյանը բարձր է գնահատել հիմնադրամի կողմից Արցախում իրականացվող զարգացման ծրագրերը` ի հավելումն բարեգործական և մարդասիրական նախաձեռնությունների:
Կողմերը նաև կարևորել են պարբերական հանդիպումների անցկացումը, ինչը թույլ կտա քննարկել նախագծերի իրականացման հետագա քայլերը:
ՀԱՅԵՐԵՆ
Русский
English
Դաս. հայերեն
French
