ՊԵԿ-ը հետ է քաշվել ապօրինի ծագման գույքի բռնագանձման գործընթացից՝ այն վստահելով Արդարադատության նախարարությանը (ՏԵՍԱՆՅՈՒԹ)
09-07-2019 14:54:14 | Հայաստան | Իրավունք
Պետական եկամուտների կոմիտեն (ՊԵԿ) մի փոքր հետ է քաշվել ապօրինի ծագման գույքի բռնագանձման գործընթացից:
Այս մասին հուլիսի 10-ին լրագրողների հետ հանդիպման ժամանակ նշեց ՊԵԿ նախագահ Դավիթ Անանյանը՝ շեշտելով, որ այդ գործընթացը հուսալի ձեռքերում է:
Ըստ նրա՝ ապօրինի ծագման գույքի բռնագանձման նախագծի մշակման համար աշխատանքային խումբ է եղել ձևավորված, որը ղեկավարել է Արդարադատության նախարարությունը:
«Այունամենայնիվ, մենք այնտեղ ունեինք շատ ակտիվ դերակատարություն, որովհետև մենք էինք ըստ էության տանում այդ թեզը, և իրավական հարցերով իմ նախկին տեղակալը՝ պարոն Բադասյանն ընդգրկված էր այդ հարցում, և ես շատ ուրախ եմ, որ ինքը հենց այժմ լինելով Արդարադատության նախարար՝ այդ հարցն ի պաշտոնե շատ ավելի համակարգված կտանի առաջ»,- ընդգծեց Դ. Անանյանը:
Վերջինիս նկատեց, որ հանրության մոտ հնարավոր է թյուրըմբռնում լինի նշյալ օրինագծի հետ կապված, ուստի պարզաբանեց.
«Որ ասում են՝ առանց դատական ակտի ապօրինի գույքի բռնագանձում, պետք է միշտ իմանալ, որ հնարավոր չէ որևէ անձի սեփականության իրավունքից զրկել առանց դատարանի որոշման։ Ամեն ինչի հիմքում դա է դրված»:
ՀԱՅԵՐԵՆ
Русский
English
Դաս. հայերեն
French
