Դերենիկ Դեմիրճյանի տուն-թանգարանի և ՙՎարդանանց ասպետներ՚ թիվ 106 դպրոցի համատեղ ջանքերով կներկայացվի ՙՎարդանանք՚ պատմավեպը՝ գրական թատրոնի ժանրում:
Ներկայացումն իրականացվում է Դերենիկ Դեմիրճյանի տուն-թանգարանի վարիչ Կարինե Ռաֆայելյանի նախագծով և սցենարով, ՙՎարդանանց ասպետներ՚ թիվ 106 դպրոցի մանկավարժներ Գոհար Բաղդագուլյանի, Ներսես Մարգարյանի բեմադրությամբ և տնօրեն Մարինե Վարդանյանի ղեկավարությամբ: Այն սեպտեմբեր 19-ին կներկայացվի ՙՎարդանանց ասպետներ՚ դպրոցի դահլիճում:
Կարինե Ռաֆայելյանի փոխանցմամբ. ՙՍա դասական ստեղծագործության նորօրյա մեկնաբանություն է, որն ածանցված է Դերենիկ Դեմիրճյանի գրական հենքից և խիստ հավատարիմ է գրողի տեքստին ու ոճին: Նախագծի նպատակն է այսօրվա կյանքի արագ ռիթմին համընթաց՝ ճանաչելի և սիրելի դարձնել ստվարածավալ դասական երկը, խթանել այն մարդկանց հետաքրքրությունը, որոնք հակված են առավել խորությամբ առնչվել դասական գրականության հետ՚:
ՀԱՅԵՐԵՆ
Русский
English
Դաս. հայերեն
French
