Լուսավոր Հայաստան կուսակցություն, կանգնեք ու ուղիղ ասեք. Նիկոլ Փաշինյանը բարկացավ
15-11-2019 18:52:48 | Հայաստան | Ի՞նչ է գրում մամուլը
Ազգային ժողոբում 2020 թվականի բյուջեի նախագծի քննարկման ժամանակ իր եզրափակիչ ելույթում վարչապետ Նիկոլ Փաշինյանը պատասխանեց «Լուսավոր Հայաստան» խմբակցության քննադատություններին:
«Այսօր մեր ընդդիմությունը մեզ ի՞նչ է ասում, տերմինախեղդ է անում: Ասում է՝ ֆիսկալ կանոնները խախտում եք, գետինը մտնեք դուք: Եկեք թարգմանենք ձեր ասածը, դուք ի՞նչ եք ասում, ասում եք՝ աշխատավարձ մի բարձրացրեք, թոշակ ու նպաստ մի բարձրացրեք: Կանգնեք ուղիղ էդ ասեք, ինչ եք գիտահետազոտական-միտահետազոտական: Ընենց բառեր եք ասում, որ ոչ մեկ գլխի չընկնի՞, թե ինչ եք ասում: Կանգնեք ուղիղ ասեք: Լուսավոր Հայաստան կուսակցություն, կանգնեք ու ուղիղ ասեք, որ մենք դեմ ենք, որ դուք բարձրացնեք աշխատավարձերը, թոշակները»,- ասաց Նիկոլ Փաշինյանը:
Հիշեցնենք, որ «Լուսավոր Հայաստան» խմբակցության պատգամավոր Մանե Թանդիլյանը հայտարարել էր, որ կառավարությունը 2020 թվականի բյուջեն կազմելիս խախտել է «Բյուջետային համակարգի մասին» օրենքն ու սպառնացել ֆինանսների նախարարին, որ եթե չշտկեն խախտումները, կդիմեն Քրեական օրենսգրքի օգնությանը:
ՀԱՅԵՐԵՆ
Русский
English
Դաս. հայերեն
French
