Նորածինների ապօրինի որդեգրման գործով մեղադրյալներից մեկը 5 մլն դրամ գրավի դիմաց ազատ է արձակվել
20-12-2019 18:32:58 | Հայաստան | Ի՞նչ է գրում մամուլը
Oտարերկրացիների կողմից երեխաների ապօրինի որդեգրման դեպքերի առթիվ հարուցված քրեական գործի շրջանակներում դատարանն այսօր բավարարել է Երևանի՝ 1976 թ. ծնված բնակչուհու նկատմամբ որպես խափանման միջոց կալանավորում ընտրելու վերաբերյալ քննիչի միջնորդությունը՝ միևնույն ժամանակ թույլատրելի համարելով այլընտրանքային խափանման միջոց գրավի կիրառումը: Այս մասին տեղեկացրել է ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը:
ՀԺ-ի տեղեկություններով՝ դատարանը՝ դատավոր Նելլի Բաղդասարյանի նախագահությամբ, որպես գրավի չափ է սահմանել 5 մլն դրամը:
Հիշեցնենք, որ գրավի դիմաց ազատ արձակված անձին մեղադրանք էր առաջադրվել՝ ՀՀ քրեական օրենսգրքի 167-րդ հոդվածի 2-րդ մասի 1-ին և 2-րդ կետերով (Երեխային առանց ծնողների համաձայնության նրանցից բաժանելը):
Այս գործով մեղադրյալի կարգավիճակ ունեն նաեւ «Հանրապետական» ծննդատան տնօրեն Ռազմիկ Աբրահամյանը եւ «Երեւանի մանկան տուն» ՊՈԱԿ-ի տնօրեն Լիանա Կարապետյանը: