Ստամբուլի աճուրդին կներկայացվեն նաեւ հայ նկարիչների
աշխատանքները
04-06-2009 16:20:00 | Հայաստան | Մշակույթ
ՍՏԱՄԲՈՒԼ, 4 ՀՈՒՆԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Ստամբուլահայ նկարիչների աշխատանքները կներկայացվեն «Նոստալժի
Անտիկ Բազար» կազմակերպության նախաձեռնած աճուրդին, որը տեղի
կունենա հունիսի 6-ին Ստամբուլի տեխնիկական համալսարանի դահլիճում:
Ինչպես հաղորդում է «Մարմարա» օրաթերթը, աճուրդին իրենց
ստեղծագործություններով կմասնակցեն 150 նկարիչներ:
Հայազգի նկարիչներից Հակոբ Էգոյանը աճուրդին կմասնակցի 4
աշխատանքով` «Ծաղիկներ ծաղկամանում», «Անտառ», «Ալեկոծ ծովը»,
«Բիեր Լոտի», Պերճ Թորոսերը կներկայացնի «Ստամբուլ»,
«Ռումելիհիսար», «Բոսֆորի կամուրջը», «Նավը Բոսֆորում», Գրիգոր
Զարիֆյանը` «Ալեկոծ ծովը» եւ Վերժին Շապճըն` «Սանտորինի»
ստեղծագործությունները: