Ա-330-ի ընկած տեղում վերապրածներ եւ զոհվածների մարմիններ
չեն հայտնաբերվել
04-06-2009 15:50:00 | Բրազիլիա | Միջազգային
ԲՐԱԶԻԼԻԱ, 4 ՀՈՒՆԻՍԻ, ՆՈՅՅԱՆ ՏԱՊԱՆ: Ա-330 ինքնաթիռի
կործանման վայրում վերապրածներ եւ զոհվածների մարմիններ չեն
գտնվել, հայտարարել է Բրազիլիայի պաշտպանության նախարար Նելսոն
Ժոբիմը:
Ըստ նախարարի, Բրազիլիայի ռազմածովային նավատորմի նավերը
հասել են ինքնաթիռի կործանման շրջան եւ որոնում են ինքնաթիռի
բեկորներ:
Նախարարը բացառել է ահաբեկչության հավանականությունը որպես
«Էյր Ֆրանսի» ինքնաթիռի կործանման պատճառ: Ըստ նրա, օվկիանոսի
մակերեւույթին եղած յուղաբծի բնույթը հակասում է այդ վարկածին:
Ըստ նախարարի, հայտնաբերված են ինքնաթիռի առաջին բեկորները եւ
պետք է ջրից հանվեն հինգշաբթի: Դրանից հետո փորձաքննության համար
դրանք կհանձնվեն ֆրանսիացի մասնագետներին: