Իսկանդեր, գյուղ Արևմտյան Հայաստանում, Սեբաստիայի վիլայեթի Շապին Գարահիսարի գավառում:
Բնակչության մասին տվյալներ չեն պահպանվել։ Նրանք բռնությամբ տեղահանվել են 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։
Սա տեղեկատվություն է Վիքիպեդիայից:
Բայց պարզվեց, որ հայկական Իսկանդեր գյուղի ոչ բոլոր զավակներն են զոհվել:
2006թ-ին ՌԴ-ում հայտնաբերվեց ոչնչացված գյուղի ևս մեկ բնակիչ, որը շատ արագ բազմացավ:
Ի պատիվ իր ծննդավայրի, նրան անվանեցին Իսկանդեր:
Անձնագրում գրեցին ՝ Իսկանդեր, օպերատիվ մարտավարական հրթիռային համալիր, նախատեսված է հակառակորդի կենդանի ուժի, ամրաշինական կառույցների և տնտեսական ենթակառուցվածքների և շարժվող թիրախների ոչնչացման համար։
Այսօր Իսկանդերը ունի երեք զավակ, Իսկանդեր <Մ>, Իսկանդեր < Է> և Իսկանդեր < Կ > անուններով:
Երեք զավակներից Իսկանդեր < Է> -ն այժմ Հայաստանում է և հանրահայտ <<Ի՞նչու է աղմկում գետը>> ֆիլմի հերոս Աթանես Ղամբարյանի պես նայում է իր հայրենի գյուղին և ասում, << տունս այսքան մոտիկ, բայց այսքան հեռու>>:
2018թ-ի հեղափոխության հիմնական կարգախոսներից մեկը, դա հայրենադարձության խթանումն էր:
Գտնում եմ, որ հեղափոխական իշխանությունը այս դեպքում նույնպես հավատարիմ պետք է մնա հեղափոխական արժեքներին և խթանի մեր հայրենակից Իսկանդեր < Է>-ին , որպեսզի վերջինիս կյանքի նպատակը իրականանա, այն է վերադառնա իր հայրենի Իսկանդեր գյուղ:
ՀԱՅԵՐԵՆ
Русский
English
Դաս. հայերեն
French
